فيديو.. العريس جمع ثروته في أمريكا.. مفاجآت جديدة عن فرح طلخا الأسطوري

اثار حفل زفاف عريس طلخا، حالة من الجدل على السوشيال ميديا، بسبب تكلفة الفرح التي بلغت حوالي 15 مليون جنيه.

وقال العريس الدكتور حسام الصياد، خلال تصريحات تليفزيونية، إن لديه مجموعة صيدليات في مصر والولايات المتحدة الأمريكية، كما أنه عاش في أمريكا من 18 سنة كون ثروته هناك.

وأضاف العريس:"رجعت مصر وعملت الفرح وحضر كتير من الفنانين، وانا بجهز للفرح من سنة عشان يطلع بالشكل ده، وكمان عملت حنة ودبحت 8 عجول و10 خرفان ووزعتهم على الفقراء والمحتاجين في البلد".

وتابع:"الفرح متكلفش 15 مليون جنيه زي ما الناس قالت على السوشيال ميديا، وبعدين التكلفة دي حاجة شخصية محدش ليه حق يتدخل ولا يسأل فيها".

نشطاء السوشيال ميديا علقوا على حفل الزفاف، :"كنت اتبرع بالفلوس دي للفقراء احسن، ليه كل ده، ده انت عديت حسن شاكوش والفرح أبو ملايين".

وعن انتقادات السوشيال ميديا له، علق العريس:"انا بعمل خير كتير جدا ودي حاجة بيني وبين ربنا، وصرفت على الخير اكتر ما انا صرفت على الفرح، والفرح ده مش من شغلي كصيدلي، اكيد لا انا بتاجر في أمريكا وببيبع وبشتري كتير".

وعن زوجته، أوضح العريس:"اهم حاجة وجود زوجتي في البيت واهتمامها بالمنزل، ومعنديش مشكلة لو عايزة تشتغل لكن المهم يكون البيت والأولاد من أولوياتها في المستقبل".