سهير المرشدي تمدح ابنتها: بتسعد بلدها اللي نشأت فيها بفنها

أعربت الفنانة الكبيرة سهير المرشدي عن سعادتها البالغة بنجاح ابنتها حنان مطاوع في أعمالها الفنية الأخيرة، مشيرة إلى أن ابنتها تكمل مسيرتها الفنية التي بدأتها.

سهير المرشدي تغازل ابنتها

وقالت سهير المرشدي في تصريحات تلفزيونية: من عطف ربنا عليا إنه أداني بنت بتكملني وتعليني ومحسساني إن كان لازم أكون موجودة في الدنيا عشان هى تبقى موجودة.

وأضافت: بنتي بتسعدني وتسعد بلدها اللي نشأت فيها مصر لإنها ولادة بالمواهب وابن الفنان أنا مش متحمسه له بقصد تحمسي للبيئة اللي نشأ فيها.

وواصلت: نجاح بنتي محسسني إن الدنيا لسه فيها خير ومفيش حاجة بتضيع ووراء كل قيمة صغيرة قيمة أكبر.

تكريم سهير المرشدي

وكانت قد علقت الفنانة سهير المرشدي مؤخرًا عن تكريمها من مهرجان همسة للأدب والفنون، هى وابنتها الفنانة حنان مطاوع، وقالت خلال لقائها مع موقع "بصراحة": سعيدة جدًا إن أنا بتكرم من مهرجان همسة لإنه من المهرجان القلائل اللي بتدعم الثقافة والفنون والموقف الجاد.

وتابعت: أحسن حاجة فيه إن دي الدورة الـ 11 فإن دلت على شئ تدل على الإستمرارية والنجاح الكبير، مضيفة: أنا لغيت كل حاجة عشان أحضر المهرجان ده، وعشان بيحمل اسمي وبنتي موجودة فيه مش بنتي بس كل الشباب والشابات فرحان أوي باستمراية هذا المهرجان.

تكريم حنان مطاوع

وعن تكريم ابنتها حنان مطاوع في الدورة الـ 11 من المهرجان، قالت المرشدي: حسيت إن بدي جوايز لكن جايزة إيزيس اللي أديتها لحنان كانت بنتي، لكن حسيت إن ربنا منحني جايزة وهى حنان بنتي.

وردت حنان مطاوع على والدتها أمام عدسة بصراحة قائلة: زادني الشرف إن والدتي سهير المرشدي المهرجان باسمها، ماما دي سند قلبي وعمودي الفقري، ربنا يباركلي في عمرها وهى تاج على راسي، وهى أغلى نعم ربنا ليا يارب أفضل امتداد ليها.