عبير صبري: بصنع حظي بشطارتي والفرص بتيجي بصعوبة

تحدثت الفنانة عبير صبري عن حياتها الشخصية وعلاقتها بزوجها وكواليس من حياتها ومسيرتها الفنية، موكدة أن زوجها داعما لها وسعيدا بنجاحها.

عبير صبري: بصنع حظي بشطارتي

قالت "صبري" خلال حوارها مع الإعلامية إنجي علي في حلقة اليوم من برنامج "أسرار النجوم" المذاع عبر إذاعة "نجوم إف إم"، إن ثقة المرأة في نفسها تجعل الرجل يمنحها مساحة من الحرية التي تستحقها، وهو ما ينبع من ثقته بها.

تابعت: "جوزي بيقولي (بشوف نفسي فيكي ولما بتبقي ناجحة ببقى فخور بيكي وببقى مبسوط وبكون شايف حالي فيكي)، وده نابع من الثقة في نفسه وفيكي".

أوضحت أنها ترى أنها ليست "محظوظة"، مضيفة: "أنا مش بحس إني محظوظة بشكل كبير، لكن أنا بصنع حظي بشطارتي وشغلي وموهبتي وأنا بتعب أوي عشان أوري أنا إيه، ولكن عندك حاجات بتحجب عنك ده".

أضافت: "الفرص بتيجي بصعوبة ومفيش داعم ليا بيزقني وبيديني فرص مجانية، أنا بعمل كل حاجة لوحدي، الحظ اللي عندي أن ربنا مديني الموهبة والطاقة اني أزق نفسي لقدام بمجهودي.. مبحبش كلمة الحظ ولكن عندي نعم؛ أهلي، بيتي، جوزي، وناس بتحبني".

في سياق آخر، قالت: "البني آدم المصري عنده حاجات كتير، خفة دم من غير ما يقول حاجة وعنده حلول لأي حاجة وعنده صبر وتحمل وخيال وبيعرف يبدع بأي حاجة.. سواء متعلم أو مش متعلم أو فنان أو مش فنان.. الناس في الشارع مبدعة".