طليقة حسن شاكوش لـ«بصراحة»: الشهرة طلعت وحشة أوي ولو كان فيه نية نتصالح مش هيحصل

ردت ريم طارق طليقة مطرب المهرجانات حسن شاكوش، عن الأنباء المتداولة عن عودتهما من جديد بعد الانفصال، مشيرة إلى أنه لو كانت هناك نية للعودة، فلن تحدث بسبب حديث الجمهور على السوشيال ميديا.

وقالت ريم طارق في تصريح خاص لـ"بصراحة": الجواز والطلاق نصيب والشهرة طلعت وحشة أوي يعني والله لو كان في نية إننا نتصالح مش هنتصالح بعد اللي حصل ده بسبب الشهرة والتشهير.

أزمة ريم طارق وحسن شاكوش

وأضافت: أنا شخصيا بعد ما كنت عاملة الفيديو بكل حب، بس أضايقت جدًا لما لقيت الناس على السوشيال ميديا قاعدة تقول ايه ده دفعلك كام عملك ايه، وهو كتب كده عشان يخلي صورته حلوة بس المفروض كان يخاف على صورتي من وقت الانفصال.

وواصلت: اللي فيه الخير يقدمه ربنا ربنا ميكتبش لحد حاجة وحشة، وأنا مغلطش وكل اللي كنت عايزاه حقوقي، والحمد لله هو طلع محترم وادهالي، لكن لحد دلوقتي متنازلش عن القضايا، فلسه فيه خلاف بينا لحد دلوقتي.

حسن شاكوش يرد على ريم طارق

وكان قد رد مطرب المهرجانات حسن شاكوش، على تصريحات ريم طارق وقال في فيديو عبر حسابه الشخصي بموقع التواصل الاجتماعي فيسبوك: بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير.

وتابع: قابل اعتذارك على ما صدر منك وأنا مكنش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا.