حد شافني اعتذرت له؟.. ريم طارق تكشف لـ«بصراحة» حقيقة الصلح مع حسن شاكوش

كشفت ريم طارق طليقة مطرب المهرجانات حسن شاكوش حقيقة اعتذارها لطيقها، وعودتهما من جديد بعد انفصال طويل، مشيرة إلى أن الفيديو كان المفترض أن يكون بعد التنازل عن القضايا.

وقالت ريم طارق في تصريح خاص لـ"بصراحة": أنا معتذرتلوش حد شافني اعتذرت ليه؟.. والفيديو ده المفروض كنا متفقين إنه ينزل بعد ما نتنازل عن القضايا والموضوع ده خارج الاتفاق ومشوفتش رده هو قال إيه.

أزمة حسن شاكوش وريم طارق

وأضافت: أنا معتذرتش أنا قولت إن أنا خدت حقوقي وكلنا كنا عارفين إن هدومي عنده، والحمد لله روحت أول إمبارح وخدت حاجتي واتفقنا إن الفيديو ده هنزله للناس على صفحتنا وإن خلاص مشاكلنا خلصت.

وواصلت: احنا لحد دلوقتي مخلصناش حاجة عشان الفيديو ينزل أنا أول امبارح بس جبت شركة نقل وناس كتيرة ونقلنا حاجتي ولقيت حاجتي كاملة عشان كده قولت عليه إنه انسان كويس وإنه بعد 5 شهور اعترف بحاجتي وادهالي لكن كقضاء لسه مخدتش منه أي حقوق مادية.

حقيقة اعتذار حسن شاكوش وريم طارق

وكانت قد ظهرت ريم طارق في إحدى اللقاءات التلفزيونية، وقالت: أخدت كل حقوقي الشرعية من حسن، والحمد لله إني طلعت شخص كويس وهو كمان شخص كويس، وراجل محترم.

وتابعت: كل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب.