"راجل محترم واداني كل حقوقي".. ريم طارق تعلن انتهاء خلافاتها مع حسن شاكوش
![ريم وشاكوش ريم وشاكوش](https://media.besraha.com/2023/8/large/10/5/308.jpg)
قالت ريم طارق، طليقة الفنان حسن شاكوش، إنها حصلت على كافة حقوقها الشرعية من مطرب المهرجانات حسن شاكوش.
ريم طارق: خدت كل حقوقي من شاكوش
وأضافت ريم، خلال مقطع فيديو تم عرضه على قناة "هي" :"خدت كل حاجتي من حسن، والحمد لله انا طلعت شخص كويس وهو كمان شخص كويس وكل اللي حصل ده كان سوء تفاهم، واي حد سيرته جات في الموضوع بقوله حقك عليا".
ريم طارق: اللي حصل بيني وبين شاكوش سوء تفاهم
وتابعت:"كل اللي حصل ده كان سوء تفاهم بسبب تدخل أكتر من طرف في الموضوع، وكل شيء اسمهونصيب".
ريم طارق: بعتذر لاي شخص اسمه جيه في مشكلتي مع شاكوش
جدير بالذكر أن ريم طارق اثارت الجدل على السوشيال ميديا بتصريحاتها عن الفنانة حورية فرغلي، حيث رفضت الاعتذار لها، بعد التلميح بوجود علاقة بين حورية وشاكوش.
حيث ظهرت ريم طارق، خلال لقائها مع الإعلامية بسمة وهبة من قبل، وقالت:"حسن شاكوش كان بيخوني مع ممثلة تالت حرف من اسمها هو ر، النشطاء على السوشيال ميديا وقتها قالوا إنها تقصد حورية فرغلي".
وردت وقتها الفنانة حورية فرغلي، وأكدت أنه لا يوجد أي علاقة تجمعها بحسن شاكوش، ولذلك طالب الجمهور على السوشيال ميديا من ريم طارق الاعتذار لحورية.
ومن أبرز التصريحات التي ذكرتها ريم في حلقتها مع بسمة وهبة، "انا اتحملت مع شاكوش اللي محدش يقدر يتحمله ابدا، وده كله حصل من رابع يوم جواز".
واستكملت:"كل يوم كنت بكتشف خيانة جديدة وقصة جديدة، وكفاية أني كنت مهددة وكان لازم يا اقعد في البيت يا لو خرجت معرفش ارجعه تاني".
الخلافات بين حسن شاكوش وريم طارق وصلت لساحة المحاكم الفترة الآخيرة، خاصة أن ريم اتهمت شاكوش أنه سرق المؤخر الخاص بها وهو وصل أمانة.