نيللي كريم تهاجم العدل جروب: معندهمش قلب على الممثل ومش بيفكروا يطلعوه بأفضل صورة

كشفت الفنانة نيللي كريم حقيقة خلافها مع شركة العدل جروب بسبب فيلم “ع الزيرو”، الذي طرح ضمن منافسات موسم صيف 2023، مؤكدة أنها كانت ضيفة شرف وأن بطل العمل هو الفنان محمد رمضان.

وقالت نيللي كريم في تصريحات تلفزيونية: مش حابة أعلق على الموضوع ده بس أنا فرحانة بالشغل مع ماندو العدل والفنان محمد رمضان، لكن مش حابة أبقى بطلة اعتبروني كنت ضيفة شرف في فيلم "ع الزيرو"، والفيلم بطولة محمد رمضان والطفل منذر مهران.

خلاف نيللي كريم مع العدل جروب

وأضافت: شركات الإنتاج معندهاش فن إدارة الممثل ولا عندهم قلب على الممثل وإزاي يطلعوه بأفضل صورة لازم الممثل يخطط لنفسه الأول، أنا معنديش خلافات معاهم بس عندي اختلافات في طريقة التعامل .

وواصلت: محمد رمضان ممثل هايل ولذيذ ومجتهد وقدم كل مشاهد الأكشن خلال العمل بنفسه ولا يشعر بالتعب، وكل الناس بتحبه وفي التصوير الكل كان بيجري عليه يتصور معاه حتى شوفتوا الكلام ده في فيديوهات اللي نزلها من الكواليس وخصوصًا في المنصورة.

فيلم ع الزيرو

جديرًا بالذكر أن فيلم “ع الزيرو” شارك في بطولته العديد من نجوم الفن، كان أبرزهم: النجم محمد رمضان والنجمة نيللي كريم، چومانا مراد، خالد الصاوي، محمد لطفي, شريف دسوقي، إسلام ابراهيم، تأليف د. مدحت العدل و إخراج محمد العدل و من إنتاج جمال العدل و أحمد العدل و أستوديوهات ڤوكس.