أولاد حريم كريم يتسبب في حرب كلامية بين طارق الشناوي ومصطفى قمر| تفاصيل

تصدر فيلم أولاد حريم كريم تريند السوشيال ميديا في الساعات الماضية، خاصة بعد الحرب الكلامية التي نشبت بين الناقد الفني طارق الشناوي، والفنان مصطفى قمر.

طارق الشناوي: فيلم أولاد حريم كريم من أسوأ الأعمال الفنية

بدأت القصة من تصريحات الناقد الفني، طارق الشناوي، والتي قال فيها إن فيلم أولاد حريم كريم من أسوأ الأعمال الفنية، مهاجما مصطفى قمر:"مشكلة مصطفى قمر أنه عايش على الزمن القديم، المطرب بيتعمل له أفلام إزاي؟.

وتابع الشناوي:"على الرغم من أن مخرج الفيلم هو على إدريس وهو مخرج مهم طبعا، وزينب عزيز كمان كاتبة مهمة وشاطرة، لكن اللي عملوه ملهوش علاقة بالجزء الأول".

طارق الشناوي عن مصطفى قمر: مش بيشتغل بشغف

واستكمل الناقد هجومه:"لو رجعنا لأم كلثوم لما بتنجح بيتعملها فيلم، وعبد الحليم حافظ كمان لما عمل أغنية على قد الشوق، فاتعمله فيلم مع شادية لإنه كان مطرب ناجح، لكن لما تفشل كمطرب مش هتصعدك السينما، السينما بتروح للبريق مش هي اللي بتعطيك بريق".

واستكمل:"مصطفى قمر في عز فشله كمطرب، قرر أنه يعمل الفيلم واللي اشتغل معه الجزء الثاني الحريم اللي مش مطلوبين اوي في السينما اليومين دول".

وعن رفض ياسمين عبد العزيز المشاركة، علق الشناوي:"ياسمين الوحيدة اللي لها اسم رفضت تكون موجودة مع مصطفى قمر في أولاد حريم كريم، وقالت لا لإنها مش هتبقى موجود كنصف بطلة أو خمس بطلة".

كما استمر الشناوي في الهجوم، وأوضح أن كتابة أولاد حريم كريم قديمة والتفاصيل لا تضحك، :"مصطفى قمر افتقد الوهج وبيمثل الدور من غير شغف، هو بيؤدي فقط زي ما بنقول كده حافظ مش فاهم".

وعلى الجانب الأخر، رد مصطفى قمر على هجوم الشناوي، :" برسالة شديدة اللهجة وطلب منه عدم التعرض له مرة أخرى"، قائلا:"انا طلبت منك تبعد عني ومتتكلمش عن شغلي عشان متتهزأش".

وتابع:"ياللي اسمك طارق انت اللي جيبته لنفسك، كاتب كلام أهبل يدل أنك مشفتش الفيلم أصلا، واحب اقولك ان اللي هيرد عليك هو السينما مش أنا".