علي الحجار لـ«بصراحة»: الدولة رجعت الفن من جديد بحفلات الأوبرا.. وبلف الصعيد عشان أفرح الجمهور

أعرب الفنان الكبير علي الحجار عن سعادته البالغة، بتكريمه من مهرجان همسة للأدب والفنون في دورته الـ 11، مشيرًا إلى أنه في غاية السعادة بأن الجماهير مازالت تغرد أغانيه حتى الآن.

وقال علي الحجار خلال لقائه مع موقع “بصراحة” الإخباري: شرف كبير ليا إني اتكرم من مهرجان كبير قعد 11 سنة بشكر منظمينه لإنهم متابعيني دايمًا وبيكرموني.

وأضاف: أنا في غاية السعادة إن الناس لسه فاكرة ليا أغاني التترات بتاعتي لحد دلوقتي بشوف النجاح ده في مهرجانات زي القلعة والإسكندرية والمهرجانات الخارجية، الناس بشوفها لسه فاكرة ليا الليل وآخره وذئاب الجبل وغيرهم من الأغاني.

علي الحجار يكشف مفاجآت عن حفلات الأوبرا

وواصل: لما بشوف الناس فاكرة الأغاني دي بحس إن المبدأ موجود والأغاني لسه في ذهن الناس رغم إنها مر عليها أكتر من 25 أو 30 سنة.

وعن نجاح حفلات الأوبرا والنشاط الفني الظاهر خلال الفترة الأخيرة في مصر، قال علي الحجار: الأوبرا بدأت تعود من جديد وبقى عندنا نشاط فني كبير، بعد حفلات أدوار المدينة وحفلات ليالي التلفزيون، فكويس إن الدولة رجعت من تاني المهرجانات.

وأختتم الحجار قائلًا: يعني أنا السنتين اللي فاتو لفيت كل الصعيد من أول الفيوم لحد الأقصر يعني الدولة بدأت تهتم بالحجات دي جوه محافظتها ومدنها، ودي حاجة أسعدتني جدًا، في وجود متفرجين كبيرة وده طمني على نفسي كفنان كتير.