تتجوزيني يا بسكوتة.. قصة زواج فؤاد المهندس من شويكار وطلاقهم بعد 20 سنة

كشف نجل الراحل فؤاد المهنس، عن جواز والدة بالفنانة شويكار، قائلا:"والدي كان كاريزما والستات كلها بتحبه وهو كان يعرف يقرأ الست من مخها".

وأضاف نجل المهندس، خلال تصريحات صحفية، :"المهندس حب شويكار جدا واكتر حاجة حبها فيها هو دلعها ورقتها وعشان كده عملوا حاجات كتير حلوة في الشغل".

فؤاد المهندس وشويكار بينهم كيمياء حلوة

وتابع:"كان بينهم كيمياء كبيرة عشان كده اتجوزوا واتفقوا انهم ميخلفوش لأن كل واحد منهم كان عنده أطفال".

وكشف ابن الراحل فؤاد المهندس عن علاقة والده بالزعيم عادل إمام، :"والدي عرف بوفاة عبد المنعم مدبولي من عادل إمام بعد زيارته له، حينها بكى وبدأت حالة البكاء والخوف تسيطر عليه فترة الثمانينات مع وفاة بهمت قمر".

علاقة الزعيم بفؤاد المهندس

وتابع:"عادل إمام كان دائم الاتصال بفؤاد المهندس ولو معرفش يوصله كان يتصل بيا ويقولي ابوك فين وحاله عامله إزاي، طيب أنا عايز اسمع صوته".

واستكمل:"فؤاد المهندس كان فرحان جدا بنجاح عادل إمام لدرجة أن فيه فيلم 5 باب لما عادل إمام جاء لوالدي عشان يشتغل معه الفيلم، والدي رحب جدا بالدور اللي عرضه عليه الزعيم".

وأشار نجل المهندس إلى حالة الحب التي كانت بين والده والزعيم، :"كان بينهم حالة حب وأخر مرة شوفت عادل إمام من 4 سنين في وفاة سامي العدل، قال للناس ده ابن الأستاذ اللي علمني التمثيل ابن استاذي ومعلمي، ربنا يشفيه يا رب لأنه كان دائم الاتصال بنا".