أبوها سواق ومامتها خياطة وبياكلوا اللحمة مرة واحدة في الأسبوع.. أسرار في حياة نشوى مصطفى

كشفت الفنانة نشوى مصطفى، عن أسرار خاصة في حياتها الشخصية، حيث قالت:"انا 57 سنة ومريت بظروف صعبة ماديا واقتصاديا، والدي سواق ومرتبه قليل أوي، والدتي عمري ما شوفتها متذمرة أو بتشتكي من قلة المرتب.

نشوى مصطفى: النجومية مش سهلة

وأضافت نشوى، خلال لقائها ببرنامج"بالورقة والقلم" المذاع على قتاة "تين"، أن الوصول للشهرة والنجومية ليس أمر سهل، اللي يشوف نجم أو طبيب أو عالم مشهور بيعتقد انه اتولد كده، لكن لازم نعرف أن طريق النجومية ليس سهل، وهناك مشاهير مروا بظروف صعبة جدا.

نشوى مصطفى: اشتغلت في محل في العتبة عشان مصاريف الجامعة

وتابعت:"كنت بشتغل في إجازة الصيف في محلات العتبه بقف ابيع، عشان اقدر اوفر فلوس للجامعة، وبعد ما اتخرجت دورت على وظيفة لكن ملقتش، بعدها قدمت في المعهد العالي للتمثيل وكان الحظ حليفي، وشاركت وقتها في مسلسل مع الفنانة فاتن حمامة، وهو ضمير أبلة حكمت، وقتها حصلت على 250 جنيه، وده كان مبلغ كويس جدا".

نشوى مصطفى: كنا بناكل اللحمة مرة واحدة في الأسبوع

وعن حياتها مع أسرتها، أوضحت:"وأنا صغيرة والدي كان بيصحى قبل الشغل الساعة 5 ... ويقف في طابور حاجه شبه جمعية علشان ناخد كيلو لحمة في الشهر.... وكانت بـ 68 جنيه في الشهر...لكن اتعلمت إني أكون شبعانة ...ومهما كانت ماهية أبويا صغيرة كان عندي القدرة أقف في طابور كلية تجارة عين شمس ...علشان أخد الكتب مجانًا أو نصف الثمن...وكمان مش عيب إننا مناكلش لحمة غير مرة في الأسبوع".

واستكملت:"اثبت نفسي من أول دور عملته، واجتهدت بعد كده وقدمت أدوار متنوعة اكثرها أدوار كوميدية، وبعدها دور العانس وكمان دور الصديقة الوفية".

وأكدت نشوى أن الظروف التي مريت بها ساعدتها في الوصول للنجومية، وناشدت الشباب بالصبر والعمل لتحقيق ما يريدون.