خالد عليش لأحمد سعد: ارجعوا لبعض بينكم أطفال وسنين حب وعشرة

علق الفنان خالد عليش، على خبر انفصال الفنان أحمد سعد وزوجته مصممة الأزياء علياء بسيوني، قائلا:"ابقوا على بعض شوية عشان الأطفال اللي بينكم".

وقال عليش، خلال تدوينه نشرها على مقطع التواصل الاجتماعي "فيس بوك" :"أنا بزعل جدًّا لما بعرف خبر عن اتنين بيحصل انفصال بينهم؛ خصوصًا لو عدى على علاقتهم سنين وعشرة وبينهم أطفال.. أنا مؤمن جدًّا إن الانفصال حتمي في حالة المشاكل الكبيرة والوصول لحائط مسدود، ولما تخلص كل الحلول المتاحة.. ويمكن ده اللي حصل معايا في تجربة زواجي الأولى، مكنتش عايز أنفصل بس فجأة مفيش حل غير الانفصال".

وتابع:" أنا طبعًا معرفش رواية كل اتنين انفصلوا ولا إيه الأسباب ورا ده، ويمكن يكونوا جربوا كل الحلول وفشلوا.. بس اللي شايفه إن النسبة بتزيد أوي، بقى فيه استسهال واستغناء والحالات كترها بقى يخوف قوي، إحنا مابقناش باقيين على بعض ولا قادرين نستحمل بعض لا ست ولا راجل".

واستكمل:"مش مرتاحة معاه امشي، مش مرتاح معاها اجري، أنا بقيت كل ما أسمع خبر انفصال بزعل جدًّا، ومش بتكلم بس على شخصيات عامة.. بص حواليك هتلاقي نماذج كتير".

وختم عليش حديثه:"لو سمحتم يا جماعة نستحمل بعض، نبقى باقيين على بعض، مهمين في حياة بعض، مقدرين بعض.. بلاش تستسهلوا الانفصال، الموضوع مؤذي جدًا لكل الأطراف؛ حتى لو مفيش أطفال، ما بالك بقى لو في أطفال"

علياء بسيوني كانت أعلنت انفصالها من أحمد سعد بشكل مفاجئ من كام يوم.. ونشرت ستوري على صفحتها الشخصية قالت فيها : الحمد لله على كل شيء، تم الطلاق بيني وبين أحمد، بناء على رغبته، حابة أشكر أحمد جدا على أصله غير الطيب ومعدنه السيء، وحابة أقوله شكرا على قرارك اللحظي غير الموفق في خراب بيتنا وتدمير أسرتنا.