أحمد سلامة لـ«بصراحة»: بنتي سارة ستصبح أهم ممثلة في الوطن العربي.. ومش بضايق من كلام الناس عليها

كشف الفنان أحمد سلامة حقيقة مساندته لأبنته في الوسط الفني، مشيرًا إلى أنه تاركها تعتمد على ذاتها لأنها ستصبح أهم نجمات الدراما في الفترة القادمة.

وقال أحمد سلامة خلال لقائه مع “بصراحة”: عمري ما ساعدت بنتي وقولت لحد خليها تمثل معاك سايبها معتمدة على نفسها لإنها هتبقى أهم نجمات الدراما الفترة الجاية.

وأضاف: عملت دور كبير في مسلسل الأجهر رغم أنه لوكل وشعبي، وكنت خايف عشان هى بتتكسف، بس قدرت تخطف قلب الجمهور بيه.

وواصل: بنتي ربنا صارف ليها قبول، بس السوشيال ميديا مش بتسيب حد، كنت الأول بضايق لو حد قال عليها حاجة، لكن دلوقتي عادي، مبقتش بلتفت كتير ومش بشوفه خالص.

تصريحات أحمد سلامة

وكان قد كشف الفنان أحمد سلامة، طريقة اكتساب الفتاة قلب الرجل، مشيرًا إلى أن الرجال لهم طريقة خاصة في التعامل، إلى جانب حديثه عن السن المناسب للزواج من وجهة نظره.

وقال أحمد سلامة خلال استضافته في برنامج الستات تقديم الإعلاميتين مفيدة شيحة وسهير جودة عبر قناة النهار، إن النفس البشرية مُعقدة ومن الصعب فهم طبيعة الشخص، مشيرًا إلى أن الرجال يحتاجون طريقة خاصة في التعامل.

وأضاف أحمد سلامة كاشفًا الطريقة الصحيحة لتعامل السيدات مع الرجال قائلا: علشان الست تقدر تكسب قلب الراجل تعامله على أنه طفل كبير وتحتويه وطبطب عليه، لإن احتياج الراجل للست بيبدأ من الطفولة والراجل عاوز ست تحتويه وتفهمه وتطبطب عليه ومهم جدا لما تطرح المشكلة تختار التوقيت والطريقة.

كما كشف أحمد سلامة أن أكثر شيء تحتاج له المرأة هو الإحساس بالأمان والثقة، قائلًا: الست لما تحس أنها منطمة وتشعر بالأمان تجاه الشخص الآخر تبقى حياتها حلوة، وفيه رجالة بيوصلوا الإحساس ده للستات.