محمد رضا بوبو يفتح النار على إدارة فيوتشر بسبب 4 مليون جنيه

نشبت أزمة جديدة بين محمد رضا بوبو،لاعب خط الوسط المنتقل إلى بيراميدز حديثًا، ومجلس إدارة نادي فيوتشر فريقه القديم، حيث فتح بوبو النار على إدارة ناديه السابق وشن هجوماً عنيفاً عليهم، بسبب عدم حصوله على مستحقاته المالية المتأخرة.

محمد رضا بوبو يفتح النار على إدارة فيوتشر

وكتب محمد رضا بوبو عبر صفحته بموقع «فيسبوك»: «خلاص مبقيتش قادر اصبر اكتر من كده بصراحه حته لو العواقب كتير ولو هيحصل اي المهم اهدي النار الي جوايا شويه عشان اكون حته ارتحت من جوايا وكده كده ربنا موجود وهيجبلي حقي».

وتابع بوبو: « أنا كنت خلصت وجالي اتصال تعالى ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي الساعه 11 بليل الناس قبلتنى ف النادي وقالولي عامل اي يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكلة امال اي اللي يخليني امضي مخالصة وأنا ليا 4 مليون 200 الف جنيه».

وأضاف: « في واحد لاداعي لذكر اسمه لانه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت على الاستغناء جالي اتصال امضي وانت فلوسك عندي ومتقلقش امضي وانت وزملائك اللي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس اتفقت مع الاتنين اللي كانو معايا عشان كنا متفقين اننا هنعمل كل حاجه بالإتفاق مع بعض فاقالو هنضمي كلنا ونروح التلات ناخد الفلوس».

واستكمل بوبو حديثه:« مضينا علي الورقه ومكناش مدين اي خوانه لحاجه جه يوم التلات لقينا اللعيبه كلها صحبنا الي ف الفرقه طلعلهم فلوس وكل واحد شيك ماعدا احنا التلاته والتلاته المعاريين الي مشيو من النادي اتصلت بالشخص ده قولتلوً الشيك بتاعنا امته قالي بليل ف ناس الصبح وف ناس بليل وانت بليل قولتلوً ماشي جه بليل كلمتو قالي الصبح فضلت على الحال ده كل يوم يوم يقولنا التلات الجاي ييجي التلات يقول الاسبوع الجاي ييجي الاسبوع الجاي يتقال بكرا كمان يومين علي الحال ده».

وأردف: « في حد مشكور طبعا بدون ذكر اسمو قالي انا بحبك وانت اخويا الصغير لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح ان مفيش فلوس جايه ولا اي حاجه علي العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعب وسفر هنا ولعبنا افريقيا وخدنا بطولة وطلعنا مركز رابع»

واختتم: «سنتين يعني الحمدالله مقصرتيش ف حاجه بس فكرت ان حد ياكل حقك ف دي صعبه عليا اوي وانا زعلان لان مشفتيش التقدير انا. اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي انا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه. بس اذاي بتعرف تنام تحط دماغك علي المخده وانت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهولة كده انا مكلمتيش حد من الصحافييين صحابي والي اعرفهم انهم ينزل الكلام علي لساني انا حقي عند ربنا وربنا هيجبهولي اضعاف وانا متاكد لاني مقصرتيش ف حاجه وربنا يعلم كده انا من جوايا ارتحت»

وكان قد أعلن نادي بيراميدز، تعاقده بشكل رسمي مع محمد رضا بوبو لاعب وسط فيوتشر وذلك خلال فترة الانتقالات الصيفية الجارية.

ونشر نادي بيراميدز عبر صفحته الرسمية على موقع التواصل الاجتماعي "فيس بوك" مقطع فيديو يعلن فيه التعاقد مع محمد رضا بوبو، وعلق، قائلًا: "مهارات، تمريرات، تصويبات.. مرحبًا بك في بيراميدز، محمد رضا بوبو".