علاء مرسي يهاجم البلوجر محمد طاهر: مقبلش النقد من ولد قاعد على الفيس شتمني بالأب والأم

رد الفنان علاء مرسي على هجوم البلوجر محمد طاهر عليه بسبب فيلم “مرعي البريمو”، وذلك خلال خلال لقاء له بقناة رؤيا مصر.

وقال الفنان علاء مرسي: الهجوم من أساتذة النقاد أنا اتقبله، أما الهجوم والإساءة والشتيمة، في ولد قاعد على الفيس بوك بشوفه في مهرجانات للأسف الواد دا شتمني أنا وهنيدي تقريبا بالأب والام وشتم سعيد حامد.

وتابع :" ردود الأفعال متباينة ولكن في هجوم شديد على الفيلم بشكل أوفر، في فيلم ممكن نسبة الهجوم عليه تعلو على نسبة المدح".

وأضاف: مرعي البريمو فيلم لطيف خفيف مش عايزين نديله أزيد من كدا ومش عايزين نقلل من أهميته، فيلم العائلات دخلت انبسطت وخرجت، لو مكنش الهجوم المسبق الزيادة عن اللزوم دا كنت حضرتك تروح تتفرج عليه عادي.

كريم العدل يهاجم البلوجر محمد طاهر

وكان قد هاجم المخرج كريم العدل البلوجر محمد طاهربسبب طريقته في التعليق على الأعمال الفنية، وذلك من خلال منشور عبر حسابه الشخصي على موقع التواصل الاجتماعي فيسبوك.

وأعاد كريم العدل نشر مقطع فيديو لمحمد طاهر وهو يتحدث عن فيلم مرعي البريمو، وعلق عليه قائلا: ده مش نقد.. ده اسمه قلة ذوق وعيب، والعيب مش عليه لوحده.. أي فنان ممكن يعمل فيلم أو اتنين أو أكتر وحشين، وممكن مايعجبكش وده حق أصيل لأي شخص.

كريم العدل يهاجم البلوجر محمد طاهر
وأضاف: و تقدر تنتقد الفيلم بأبشع الطرق.. لكن تغلط و تجرح في الناس سواء ممثل أو مخرج أو ايا كان، دي اسمها قلة أدب.. و لو النقابات الفنية ماتصرفتش ووقفت هذا الشخص عند حده، اللي قاعد ياكل عيش بشتيمة الفنانين و الفنيين في كل فيديو من اللي بيعملهم.

واختتم: يبقى مليون عيب علينا احنا كمان.. و عيب اكبر كمان على النقاد الكبار، اللي ساكتين على أن الشخص ده يتقال عليه ناقد فني، وقلت قبل كده ان الصحفيين و المذيعين اللي كانوا بيستضيفوا البني ادم ده و يسموه ناقد فني، هما اللي هيوصلونا للحتة دي.. و اهه حصل.