شاهد| رسالة محمد شريف لجماهير الأهلي ولاعبيه بعد رحيله

وجه محمد شريف، مهاجم الفريق الأول لكرة القدم بالنادي الأهلي، المنتقل حديثا لنادي الخليج السعودي، رسالة ودَّع فيها النادي الأهلي ومسؤوليه ولاعبيه وجماهيره بعد الرحيل الرسمي عن القلعة الحمراء لخوض تجربة احتراف جديدة.

ونشر محمد شريف عبر حسابه على إنستجرام عدد من الصور التي يحمل فيها كؤوس توج بها مع النادي الأهلي، وكتب عليها الرسالة التي وع فيها النادي الأهلي ومسؤوليه ولاعبيه وجماهيره وجاءت كالتالي:

«السلام عليكم ورحمة الله وبركاته، في البداية، مين يكون معاه وفي ظهره النادي الأهلي ويقدر يتشرط أو يملي شروطه عليه.. أنا بكتب البوست ده حابب أوجه الشكر لكل ماهو ينتمي للكيان الكبير وبيتي النادي الأهلي».

رسالة إلى جمهور الأهلي

أولا الجمهور
«أنا فعلا مش لاقي كلام يوصف ولا يوفي حقكم عليا بعد ربنا سبحانه وتعالي كنتم انتم خير دعم ليا وخير سند في اوقات صعبه ليا وللفريق ككل بشكركم وبعتذر عن اي تقصير في يوم حصل مني وهتفضل اصواتكم ديما معايا وجوايا يااعظم جمهور في العالم
جمهور الاهلي هو من يصنع النجوم دمتم نعمه».

رسالة إلى إدارة الأهلي

ثانيا: الإدارة
«اشكر ادارة النادي الاهلي انها ساعدتني وادتني الفرصه ان اخر ج من الباب الكبير ومن خلالهم وتحت اشرافهم هما ، اول مااتعرض عليا العروض كنت حريص علي توجيهها للاداره لدراستها قبلي انا شخصيا وكمان لحفظ حقوق الكيان نفسه قبلي انا شخصيااااااا وتحقيق اكبر افاده للكيان.. وبقولها وأكد عليها لاعاش ولا كان اللي يجي الاهلي ويتشرط عليه في تجديد ولا غيره انا خارج من باب الاهلي الكبير ولله الحمد حاولت افيد النادي علي اد مااقدر وده ميجيش جزء من فضل النادي عليا شخصيا وده شي يشرفني، وديما يكفيني ويكفي اولادي ان اسمي موجود في سجلات النادي وهذا من فضل الله عليا».

رسالة إلى لاعبي ومدربي الأهلي

ثالثا: اللاعبين والمدربين
«اشكر كل من زمالتهم وكانو سند ليا وقت لعبي بالفريق من لاعبين كانو اخواتي وديما في ظهر بعض وبفضل الله وبفضلهم عرفت احفر واسجل أرقام هتفضلي موجوده باسمي داخل سطور الكيان الكبير.. وبشكر كل المدربين والاداريين اللي اشتغلت معاهم من أصغر واحد لاكبر واحد واخواتنا العمال اللي تعبو معايا جدااا طوال الفتره والفريق الطبي كله بلا استثناء».

أخيرًا وجب التوضيح

عشت جوه النادي الأهلي 6 سنين من عمري واجب عليا والتزاما مني اتجاه النادي أخرج وأنا شخص مسئول ولذلك أنا من طلبت من النادي الأهلي أخذ كل الاحتياطات لضمان حقوق عودتي من جديد لدوري المصري من خلاله فقط أو العرض عليه أولا قبل العوده لمصر
واي كلام يقال في الموضوع ده لا يمت للحقيقه باي شي وهذا للعلم فقط.

الأهلي مفيش حد يتشرط عليه للتاكيد ولكل اللي متابعني طول سنيني الـ٦ بالأهلي لم أفتعل ولو مشكلة واحدة وهذا من فضل الله عليا، لاني اتعامل مع منظومه أعرف واجباتي اتجاها بكل تفصيله..ولنا عوده