هنا الزاهد: أنا مش متربية على إني أرد على الإشاعات

أكدت الفنانة هنا الزاهد إنها لا تركز مع الشائعات التي تدور حولها، وذلك خلال مداخلة هاتفية ببرنامج “كلاكيت” عبر “نجوم إف إم” مع الإعلامية لينة الطهطاوي.

وقالت هنا الزاهد: “أنا مش متربية على إني أرد على الإشاعات ولكن بسيب شغلي يتكلم عني، أنا بحب الحياة، والطاقة الإيجابية، وفيه حاجات أهم بكتير من الكلام اللي بيطلع وبيتقال”.

كشفت الفنانة هنا الزاهد عن أصعب الفترات التي مرت في حياتها الشخصية، مشيرة إلى أنها مرضت في شهر العسل وكانت حالتها الصحية غير جيدة.

وقالت هنا الزاهد خلال برنامج “تفاعلكم”: لما تعبت في شهر العسل كانت فترة وحشة، ومرضي استمر شهور، ولما رجعت مصر وزني وصل 44 كيلو، مفيش حد شافني خلال المرض، وإتخانقت مع أحمد لما صورني وأنا تعبانة في المستشفى.

وأضافت: الصورة هتفضل طول حياتي موجودة على السوشيال ميديا، وهو صورني علشان يقول للناس إننا مش مبسوطين وأنا تعبانة.

هنا الزاهد ترد على مقارنتها بدنيا سمير غانم

وكانت قد ردت الفنانة هنا الزاهد على مقارنتها بالفنانة دنيا سمير غانم، مشيرة إلى أنها تحب أعمالها الفنية وصوتها الراقي في أغانيها.

وقالت هنا الزاهد في تصريحات تلفزيونية: بموت فيها وفي صوتها لأنها من الناس اللي بعشق كل أعمالها، بس أنا مبغنيش ممكن أعمل تتر هزار لكن مش غنا لإني مش مغنية أنا بحب المشاريع اللي بتخاطب كل الأعمال والعيلة كلها تتفرج عليها من غير ما تضايق.