مدحت العدل لـ«بصراحة»: السينمات مش لاقيه أفلام تعرضها.. ومش بخاف من المنافسة

أعرب الكاتب والسيناريست مدحت العدل عن سعادته البالغة بالتعاون مع الفنان محمد رمضان في فيلم “ع الزيرو”، مشيرًا إلى أنه كتب العمل منذ ثلاث سنوات، ورأي محمد رمضان للعمل قبل أن يتم التعاقد معه.

وقال مدحت العدل في تصريح خاص لـ"بصراحة": أنا كاتب الفيلم لمحمد رمضان قعدت أنا ومحمد العدل وجمال وقولنا مفيش غير محمد رمضان اللي ينفع للفيلم ده.

وعن المنافسة مع مرعي البريمو، قال مدحت العدل: يا أهلًا وسهلًا بأي منافسة المنافسات دي بتكون لصالح الأعمال مش ضدها، أنا لو بصنع كرسي ومفيش جنبي كرسي شاطر مش هيكون فيه قوة، فالمنافسة دي لصالح الأعمال والمناخ والسينمات اللي مش لاقيه أفلام كنا بننتج زمان 100 فيلم دلوقتي 10.

أبطال فيلم ع الزيرو

فيلم “ع الزيرو” بطولة النجم محمد رمضان و النجمة نيللي كريم، چومانا مراد، خالد الصاوي، محمد لطفي, شريف دسوقي، إسلام ابراهيم، تأليف د. مدحت العدل و إخراج محمد العدل و من إنتاج جمال العدل و أحمد العدل و أستوديوهات ڤوكس التابعة لشركة ماجد الفطيم للترفيه.