ياسمين عز تنصح السيدات: لو جوزك عايز ينام والكهربا مقطوعة هاتي ورقة وهوي عليه

كشفت الإعلامية ياسمين عز طريقة تعامل النساء مع الزوج عند انقطاع الكهرباء، مشيرة إلى أن الزوج مولد كهربائي يشعل ضوء.

وقالت ياسمين عز خلال برنامجها “كلام الناس”: بمناسبة الكهربا ليه بنعمل مشاكل تقطع ليه محتاجة نور ليه وفرعونك جنبك منور حياتك، لو جوزك عايز ينام والكهربا مقطوعة والجو حر هاتي ورقة وهوي عليه لحد ما يصحى وبعدين نامي أنتي.

وأضافت: بعدين زعلانة ليه من الكهربا وجوزك الفرعون قاعد جنبك منور حياتك، مولد كهربائي طبيعي رباني قاعد جنبك نوره مغطي على نور الكهربا تأملي في بشاشة نور جوزك، مفيش حاجة اسمها أطفي التكيف عشان يرتاح، وجوزك نايم بتريحي التكييف من التعب وجوزك الشقيان ده مش تعبان ريحيه شوية زي ما بتخافي على التكييف خافي عليه.

وواصلت: بوجه نصيحة للفراعين الصغيرة والكبيرة أشربوا مايه كتير في الجو ده عشان الورد بيدبل وأنتوا الورد بتاعنا عايزنكم دايما مزهزهين ومصدر الأكسجين.