مش باخد حقن.. ياسمين عز تكشف حقيقة إجرائها عملية تجميل

كشفت الإعلامية ياسمين عز حقيقة إجرائها عملية تجميل، مشيرة إلى أن كل ما يتم تداوله ليس صحيح وأنه لم تقوم بحقن من قبل.

وقالت ياسمين عز في برنامجها “كلام الناس”: عمري ما عملت عملية تجميل وبياضي طبيعي أنتوا اللي متغاظين مني، وعشان خاطرك يا مدام هاخد تان في شهر أغسطس وأرجعلك بعد الأجازة سمراء عشان أعجبك.

وأضافت: البياض عمره ما بيرتبط بالجمال في بيضة ملهاش جاذبية وفيه سمراء شكلها حلو،محدش يضحك عليكم بقيت أشوف في المحلات ناس بتبيع كريم ويقولك أشتري عشان تبقي بيضة زي ياسمين عز لا غلط لو اشتريتي المنتج ده هتمرضي وتموتي أوعي تضحي بصحتك، عشان جوزك ميتجوزش عليكي.

وتابعت: بقول كده للبنات الصغيرة أكثر متخليش حد يضحك عليكي أنا مليش منتج في السوق وبياضي طبيعي يا حبيبتي، دي جينات وده لوني مفيش حاجة اسمها تفتيح، ممكن تخلي حاجات تحليكي متخليش وشك فيه حبوب لو بقيت سمرا مش هبطل اتكلم عن الفرعون أنا مستمرة، لما أخد تان هرجعلكم سمرا.