محمد هنيدي يستعيد ذكرياته مع حي إمبابة: مش مجرد مكان اتربيت فيه أنا ابن كل بيت هناك

أعرب الفنان محمد هنيدي عن سعادته البالغة بانتمائه لحي إمبابة، مشيرًا إلى أنه من شدة حبه لها سينتج عمل فني عن هذا الحي.

وقال محمد هنيدي خلال لقائه مع الإعلامي معتزالدمرداش: هكتب فيلم عن إمبابة وهصوره هناك لأنها المنطقة دي مش مجرد مكان اتربيت فيه أنا ابن كل بيت هناك وهي بلدي ومنطقتي وخدت منها كل حاجة.

وأضاف: اللي بقدمه في أعمالي شفته في الحقيقة واتربيت عليه، وخرجت بره إمبابة بعد البخيل وأنا لأن والدي لقى العيال بتجري ورايا في الشارع، بيقولوا الواد عطا اهو لأنه وقتها عمل حالة جميلة.

محمد هنيدي يدافع عن رحمة أحمد

كان قد دافع محمد هنيدي عن الفنانة رحمة أحمد، قائلًا: "واحدة طلعت في سنة وطوب الأرض حبها وشكر فيها ودا يعني إن فيه موهبة من عند ربنا وحاجة جميلة أيًّا كانت اتفقنا اختلفنا زودت في الدور أو قللت أو أفورت نقوم نقطع رقبتها".

واستطرد خلال تصريحات تليفزيونية: "الهجوم كان شديد عليها، اللي يحكم على الأفورة المشاهد بس نناقش على الموضوع بهدوء، ولكنها موهبة كلنا فرحنا بيها وأنا أول واحد وهي كوميدية من الطراز الجميل وإذا كانت أفورت تظبط نفسها ما أفورتش خلاص لكنها كوميدية مهمة ورهيبة".

وتابع: "لو ما وافقتش إن بنتي تشتغل في التمثيل دا مش معناه إن المهنة فيها حاجة لإني أنا بنتمي ليها وأتشرف لكنها شاقة واللي موافق على كدا أهلًا وسهلًا، وبنتي هي المسؤولة حاليًّا عن شركة الإنتاج الخاصة بيَّ".