خلال ندوة صحفية بموقع بصراحة| الكاتب الصحفي محمد هاني يتحدث عن الاختلاف في وجهات النظر بالقضايا الجدلية على شاشات التليفزيون

تحدث الكاتب الصحفي الكبير محمد هاني، عن اختلاف وجهات النظر في القضايا الجدلية على الشاشات التلفزيونية، مشيرًا إلى أنه لا يجب أن يرضي الإعلامي جميع الأطراف.

وقال محمد هاني خلال ندوة خاصة بموقع بصراحة الاخباري: "الشخص اللي بيرضي جميع الأطراف يبقى مش مكرر يشتبك مع الحاجات اللي ينفع يشتبك فيها، فيه شخصيات كده بطبيعتها مشتبكة، ولازم يقولوا للناس حاجات معنية، ودي صحيحة، ولازم لما أشوف اعلامي يقول عكس الكلام اللي بشوفه في محطة تانية، ويتكلم في السياسية زي الف زي التاريخ".

وأضاف: "أنت عندك حاجة تقدمها هتجد ليها مسار، هيقفل باب هتفتح أبواب، يعني محمود سعد الناس بتحبه وتشوفه، وعمل تجربة على السوشيال ميديا، باب الخلق وسافر وقابل ناس برا وورانا أماكن مشوفنهاش وقدمها بأسلوب جميلن ودلوقتي بيعمل تجربة أجمل SOLD OUT فيها نجوم جمال وبيلتقي بيها مع الجمهور".

وتابع: "مينفعش تيجي في وقت وتقول كفاية بقى إحنا عايزين الشباب مش كده، ولا ده المعيار أنت ممكن تكون خلصت اللي عندك وأنت 40 سنة ولسه شباب، وطول ما عندك لايقة كمل، لما أشوف أداء لميس الحديدي قوة وجمال، وبيبان ده لأن الناس دي بتعمل حوارات وبتكلم ناس، فيه حوارات كتيرة بينهم وسنين وقابلته كذا مره دي خبرات متراكمة، ولو اختفت اللياقة تبقى اهمال ملهاش علاقة بالسن، ولو شاب عنده 25 سنة أطلع بس يكون عندك لياقة".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى ، حيث ترأس عدد كبير من البرامج التليفزيونية أبرزها برنامج البيت بيتك ، كما أسس وتولى إدارة قناة cbc، ونجح خلال تواجده فى تحقيق انتشار واسع ونجاح.