منى فاروق لـ «بصراحة»: بقالي 5 سنين مش واخده حقي فنيًا ولحد النهاردة معيش كارنية النقابة

أكدت الفنانة منى فاروق أنها لم تحصل على كارنية نقابة المهن التمثيلية حتى وقتهنا الحالي، مشيرة إلى أنها درست في المعهد العالي للفنون وتدفع ضرائب.

وقالت منى فاروق في تصريح خاص لـ"بصراحة": أنا بقالي 5 سنين مش واخده حقي فنيًا ولحد النهاردة معيش كارنية النقابة ومش راضيين يعملوا ليا الكارنية، مع أن أنا قضيت أول سنة في معهد عالي فنون مسرحية وقسم تمثيل، النقابة مش مشكلتي أنا بدفع ضرايبي وكل حاجة، بس كون أن يكون معايا كارنية بيديني فرصة اشتغل أكتر.

وأضافت: خليني أقول بردوا في ناس عندها كارنيهات مش شغالة، وأنا عاملة الأعمال اللي تخليني أدخل نقابة لأن القانون أكتر من 5 أعمال أخد الكارنية، فعايزة يرجع تقديري واحترامي في وسط الناس.

وواصلت: مفيش أختلاف على موهبتي وإني موهوبة، الموضوع بعتمد الفترة الأخيرة على الشلالية وقريب مين، منى فاروق متشتغلش عشان لحسن حد يفتكر إني مصاحبها ومرافقها، أنا معنديش مصدر رزق غير ده.

آخر أعمال منى فاروق

جديرًا بالذكر أن آخر أعمالمنى فاروقمشاركتها فىمسلسل "أيام"تأليف سماح الحريرى وإخراج محمد أسامة، وبطولة كل من: حورية فرغلي، شيرى عادل، وأحمد صفوت، وسلوى خطاب، وميدو عادل، ومحمود حجازى، ورياض الخولى، وندى موسى، مى القاضي، وحجاج عبد العظيم ولقاء سويدان، وسماح السعيد، حنان يوسف، صفاء جلال، محمد دسوقى ومحمد مغربى، وتدور أحداثه في 45 حلقة.