منى فاروق: كنت طالعة زي الصاروخ في مسلسل رحيم بس قدر الله وما شاء فعل |خاص

قالت الفنانة منى فاروق أنها لا تسعى للتريند وأنها اعتزلت السوشيال ميديا لأنها تشعر بالظلم في الوسط الفني، مشيرة إلى أنها لا تريد أي شئ غير العمل، ولا تسعى وراء التريند.

وقالت منى فاروق في تصريح خاص لـ"بصراحة": أنا مش عايزة أطلع تريند وعاملة البوست ده عشان أرجع اشتغل، ومش عايزة حاجة من الدنيا غير إني أرجع اشتغل، أنا كنت طالعة زي الصاروخ بس قدر الله وما شاء فعل، ربة ضارة نافعة، وكل يوم هو في شأن، يمكن كل تأخيرة وفيها خيرة، أنا مش عايزة حاجة من الدنيا غير إني فعلا أشتغل.

وتابعت: عدم تقدير ليا تاعبني نفسيًا والمحيط في الوسط الفني في ظلم واضطهاد، في عدم رضى عندي في الأدوار اللي بتتعرض عليا عشان صغيرة عايزة أرجع زي ما كنت في مسلسل رحيم.

وأضافت: ميرهان عملت زي بس كانت شغالة مسرح ودراما بس أنا مش بشتغل بقالي 5 سنين، الرحمة حلوة يا جماعة أرحم ترحم.

آخر أعمال منى فاروق

جديرًا بالذكر أن آخر أعمالمنى فاروقمشاركتها فىمسلسل "أيام"تأليف سماح الحريرى وإخراج محمد أسامة، وبطولة كل من: حورية فرغلي، شيرى عادل، وأحمد صفوت، وسلوى خطاب، وميدو عادل، ومحمود حجازى، ورياض الخولى، وندى موسى، مى القاضي، وحجاج عبد العظيم ولقاء سويدان، وسماح السعيد، حنان يوسف، صفاء جلال، محمد دسوقى ومحمد مغربى، وتدور أحداثه في 45 حلقة.