رد فعل مشجع زملكاوي بعد انتقال إمام عاشور إلى الأهلي

انتشرت حالة من الجدل بين جماهير الكرة المصرية، بعد انتقال إمام عاشور للنادي الأهلي من ميتلاند الدنماركي، ليصبح عاشور حديث الساعة و«التريند» خلال الفترة الأخيرة.

تحدث مشجع زملكاوي، في تصرحات لموقع بصراحة عبر فيديو: «صفقة إمام عاشور دي كيد نسا من مسؤولي الأهلي».

وأضاف المشجع: «كهربا ده من منطقة شعبية، ونادي الزمالك هو اللي رسمه وعمله قيمة وصاحب الفضل عليه، المفروض يكون فيه انتماء للنادي اللي عمله».

وتابع: «محمود كهربا نجم وإمام عاشور نجم، احنا مش هنضحك على بعض يا جماعة احنا كزملكاوية بنحبهم».

وشدد المشجع: «كهربا وإمام اضحك عليهم، بس بردو اللاعب لما بيبطل كورة ويعتزل لازم يأمن مستقبله بالفلوس، يبقي هفكر في انتماء ليه.. هو ده عيب الاحتراف مفهوش حب كيان ولا انتماء، زمان بس اللي كان فيه حب فانلة، الخطيب نفسه لعب في أي نادي غير الأهلي».

وأبدى المشجع إعجابه الشديد قائلاً: «محمد صلاح بيلعب بره ومشرفنا في الاحتراف في ليفربول ».

وأردف: « إمام عاشور ده عيلته كلها زملكاوية، ايه اللي غيرك علينا يا عم إمام».

وأكمل: «الأهلي أخد إمام مكيدة في الزمالك، لما الزمالك فاز بالدوري مرتين ورا بعض، راح الأهلي قالك أحنا نجرد الزمالك من اللاعبين بتاعته، إمام عاشور راح الأهلي عشان الفلوس مش بطولات ومجد شخصي ولا الكلام ده».

وتابع كلامه أن الإعلام يقف مع الأهلي فقط قائلًا: «حضرتك شوفت إعلان لزيزو، طب شوفت إعلان لنادي الزمالك مفيش، وأن الأهلي فوق الجميع ده الشعار بتاعهم كله بيجامل الأهلي».

وأكد: «رموز نادي الزمالك فين، العيب علي الرموز كله بعيد عشان خاطر السبوبة، حازم خايف يجي، لما يبقي فيه مؤتمر في النادي ومحدش يجي والنادي عمال يدمر يبقي المشكلة في الرموز».

وأتمم كلامه قائلًا « الإعلام لا يقف في ضهر مرتضي، كله بيضرب فيه هو عياله، وعايزينه يرحل، المفروض يكون فيه حياد ونبقي علي مسافة واحدة من الجميع».

وعند سواله عن عودة إمام لنادي الزمالك مرة أخري قال: «أنا كمشجع زملكاوي موافقش،اللي خان وراح يحترف يروح يلعب في الأهلي هو ده الاحتراف، اللي عايز يحترف يروح يلعب بره ويفيد المنتخب ويبقي زي محمد صلاح نجم المنتخب»

وأشار: «إمام هيقعد علي الدكة ومش هيلعب، لان الأهلي عنده لعيبة سوبر ستار زي ديانج والزمالك خسر إمام عاشور ولكن بردو الزمالك مش بيقف على حد».

واختتم كلامه: «نادي الزمالك لو كمل الموسم الجاي بمجموعة اللاعيبين دي، هنزل أوي والنادي فعلا ادمر».