ههزأك لو شوفتك.. عمرو مصطفى يهاجم رامي جمال بعد وصفه بالنرجسية

هاجم الملحن عمرو مصطفى الفنان رامي جمال بعد تصريحاته الأخيرة في برنامج “حبر سري”، ووصفه بالنرجسة والتكبر.

وكتب عمرو مصطفى عبر حسابه الشخصي بموقع التواصل الاجتماعي فيسبوك: هو انا اترككم تتعدوا بشكل غير قانوني على الحاني يعني ولحن تم غنائه في برنامج علي الهواء خدته وعملت منه اغنيه وصورتها وفي الاخر طالع تقول عليا نرجسي نحن في زمن يصدق فيه الكاذب ويكذب فيه الصادق.

وأضاف: اقسم بالله لو شوفتك في اي مكان انت واشكالك لن تجدوا مني غير نظره احتقار واوعي تجري تسلم عليا زي ما عملت قبل كده علشان ههزائك واوعي تجيب اسمي تاني في مكان علشان هقاضيك انت وكل الي شبهك مطربي الدرجه ( الخامسه ).

رامي جمال ينتقد عمرو مصطفى

انتقد الفنان رامي جمال التصريحات التي يطلقها الفنان عمرو مصطفى بخصوص زملائه.

وقال رامي جمال خلال استضافته في برنامج "حبر سري"، الذي تقدمه الإعلامية أسما إبراهيم عبر قناة القاهرة والناس: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟"

تصريحات رامي جمال

وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".

وتابع: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".وعلق رامي جمال على تصريح سابق لعمرو مصطفى قال فيه "أنا المبدع والمطرب أداة" بقوله: "أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر".