فاروق فلوكس لـ«بصراحة»: لو في شخص بيحاول يمنع عني الشغل مش هيقدر لأنه رزق

كشف الفنان القدير فاروق فلوكس سبب اختفائه عن الساحة الفنية خلال الفترة السابقة، مشيرًا إلى أنه يوجد شخص يحاول منعه عن العمل، ولكن لن يقدر لأن الأرزاق بيد الله.

وقال فاروق فلوكس في تصريح خاص لـ"بصراحة": الشغل رزق وربنا قال "في السماء رزقكم وما تعودون" وده أمر الله إني مشتغلش ربنا مش رازقني، وفي حد عايز يمنع عني الشغل ومش هيقدر عشان ربنا عايزني اشتغل أنا مش من النوع اللي أقول شغلوني ومش شغلوني وأضحك الناس عليا.

وأضاف: أنا مش مظلوم فنيًا عشان الناس بتحبني قضيت فترة كتيرة في الفن من عمري إزاي أحس إني مظلوم ومصاب باليأس، أنا ليه أقول لمخرج أو منتج شوفلي شغل معاك أنا مش من النوع ده ولا أقول لفنان حتى.

وواصل: الدليل إني لما باجي أعمل مثلًا مسلسلات، مثلًا الحاج متولي عملت 4 حلقات في الآخر هما اللي خلوا المسلسل يتشاف وكسروا الدنيا، واللي كان اختارني فنيًا وقتها نور الشريف، وأنا مقتنع بنجاحه لأن ربنا سيرنا أعمل كده .

فاروق فلوكس يحتفل بعيد ميلاده

من جانبه كان قد احتفل أبناء الفنان القدير فاروق فلوكس بعيد ميلاده الـ 87، وذلك خلال توقيع كتابه “الزمن وأنا”، الذي يتحدث فيه عن حياته منذ الصغر حتى وقتنا الحالي، بحضور الكاتب الصحفي محمد علي خير، والكاتب حسن الزوام.

وحضر حفل توقيع الكتاب المقام في صالون الثقافة بالقنصلية، أبناء الفنان القدير، “أحمد فلوكس، ويسر”، وحرص أحفاده على الحضور أيضًا، لمشاركته تلك اللحظة الذي يتحدث فيها عن مسيرته.

وأعطى أولاده " تورتة" عيد ميلاده ودرع أفضل أب ، حيث صعدت إبنته الكبرى يسر أولا وشكرت الحضور ثم قامت بدعوة هبه وأحمد أشقائها للصعود للمنصة .

وقالت يسر خلال إهدائها درع والدتها:ده درع تكريم أفضل أب وهيفضل يوم ١٠ فبراير يوم أفضل أب لأسرتنا وهنحتفل فيه”.