آمال رمزي تفجر مفاجأة: قفشت زوجي الأول بيخوني مع رقاصة وكانت معايا أرملة بليغ حمدي

كشفت الفنانة آمال رمزي سبب انفصالها عن زوجها الأول، مشيرة إلى أنها رأته في وضع الخيانة مع راقصة مشهورة.

وقالت آمال رمزي خلال لقائها ببرنامج "كلام الناس": كمال صلاح الدين زوجي الأول واتجوزته وأنا عندي 17 سنة، وانفصلت عنه بعد سنتين ونص لما اكتشفت إنه بيخوني.

وأضافت: اتأكدت إنه بيخون لأنه كان مرتبط براقصة، وقفشته في الشقة وكانت معايا أرملة بليغ حمدي وهي اللي قالت لي إنه بيروح يجيبها من الكازينو وقفشتهم في المكتب في وضع الخيانة.

آمال رمزي تكشف عدد زيجاتها

وواصلت: لا أسامح في الخيانة وما قدرتش أسامح كمال صلاح الدين بعد خيانته ليَّ خاصة إني اتجرحت لما قفشته بيخوني، والموضوع كان مسمع في الوسط الفني، كان بيخوني كمان مع امرأة سعودية كانت بتنزل مصر مخصوص له وقفشتهم.

واستكملت: علشان كده قررت أنفصل عنه، ما ينفعش يخوني مرة مع راقصة ومرة أخرى مع سعودية وأفضل معاه.

وأختتمت آمال رمزي قائلة: اتجوزت 4 مرات وفي المرة الثانية جوازي استمر 20 سنة وكان راجل كويس أوي لدرجة إنه أنتج ليَّ أفلام كويسة وهو كان مهندس ومقاول كبير وكان بيحبني وبيغير عليَّ أوي، وكان بيطلبني في البيت علشان يتأكد من وجودي، وحبني أنا وأسرتي.

آمال رمزي: أنا مع القبلات والمايوهات.. والإرهابيين زرعوا إنها فكرة غلط وواخدينها شغله

كما كانت قدكشفت الفنانة القديرةآمال رمزي، أنها مع القبلات التي تحدث في السينما، ومع الفنانين اللاتي يظهرن بالمايوهات، مشيرة إلى أنه لا يوجد سينما نظيفة وأخرى سيئة.

وقالت آمال رمزي خلال لقائها ببرنامج “نص الكلام”: أنا مع القبلات والمايوهات، ومفيش سينما نظيفة وآخرى سيئة، احنا فتحنا عنينا إن احنا بنحب السينما وان ده كله تمثيل، وناس إرهابين زرعوا انها غلط وواخدينها شغله بيكسبوا منها ويقولوا ده حرام وده حلال.

وواصلت: الاخوان عايشين تحت الارض وفكرهم بيشوشر، ومره شوفت القناة بتاعتهم لقيتهم بيقولوا هنعمل ومش هنعمل ومحمد علي يقول كلام، بس ربنا إن شاء الله ينصرنا.