آمال رمزي تكشف سر غيابها الفني: مفيش أدوار بتليق بيا فمش بوافق عشان مضيعش تاريخي

كشفت الفنانة القديرة آمال رمزي، سر غيابها الفني مشيرة إلى أنه العروض التي تتلاقها لا تناسبها نهائيًا ولا تليق بمشوارها الفني الكبير.

وقالت آمال رمزي خلال لقائها ببرنامج “نص الكلام”:المفروض المؤلفين يكتبوا لينا أدوار تليق بنا، ما يهمنيش مساحة الدور ولكن إيجابية الدور، دلوقتي بيتعرض عليا صديقة العائلة أو الأم غير النشطة فبقول بلاش أضيع تاريخي لأن الدور الحلو بيهمني أكتر من الفلوس.

وواصلت:كنت متجوزة لواء جيش وكان عندي عربية وشقة غير بيت ماما، فبيعت العربية والشقة وحطيتهم في البنك بيجبوا وديعة كل شهر ولو جالي شغل تمام ماجاش عادي أنا مأمنة نفسي.

آمال رمزي: أنا مع القبلات والمايوهات.. والإرهابيين زرعوا إنها فكرة غلط وواخدينها شغله

كما كانت قدكشفت الفنانة القديرةآمال رمزي، أنها مع القبلات التي تحدث في السينما، ومع الفنانين اللاتي يظهرن بالمايوهات، مشيرة إلى أنه لا يوجد سينما نظيفة وأخرى سيئة.

وقالت آمال رمزي خلال لقائها ببرنامج “نص الكلام”: أنا مع القبلات والمايوهات، ومفيش سينما نظيفة وآخرى سيئة، احنا فتحنا عنينا إن احنا بنحب السينما وان ده كله تمثيل، وناس إرهابين زرعوا انها غلط وواخدينها شغله بيكسبوا منها ويقولوا ده حرام وده حلال.

وواصلت: الاخوان عايشين تحت الارض وفكرهم بيشوشر، ومره شوفت القناة بتاعتهم لقيتهم بيقولوا هنعمل ومش هنعمل ومحمد علي يقول كلام، بس ربنا إن شاء الله ينصرنا.