"قلّيت في نَظر تلميذك".. أول رد من تامر عاشور على عمرو مصطفى بعد اتهامه بسرقة الألحان

تصدر الفنان عمرو مصطفى التريند خلال الساعات الماضية، وذلك بعد تصريحاته في برنامج “حبر سري” مع الإعلامية أسما إبراهيم، والذي اتهم فيها بعد المطربين بسرقة ألحانه، وكان أبرزهم الفنان رامي صبري وتامر عاشور.

وحرص الفنانتامر عاشور بالرد على اتهامات عمرو مصطفى عبر حسابه الرسمي بموقع التواصل الاجتماعي فيسبوك، قائلا: «رداً على عمرو مصطفى أغنية “الرك على النيه “ ألحان عمرو مصطفى وف اي حفله ومكان بقول كده والملحن اللي باعهالي ”المُقتَبِس الحقيقي ” عمرو مصطفى مجبش سيرته نهائي مش عارف ازاي مع إنه عارفه من ٨ سنين لما قفلنا الموضوع ده "انا وهو " في مكالمتنا مباشرة».

وأضاف:«وبعدين أنا مالي ده صِراع مُبدعين ويقدر ياخد حقه قانوني ويوقفها محدش منعه أنا أداه على كلامه ده غير إن الاستعانه بعمرو مش صعبه واشتغلنا مع بعض اغنيه "انطق"».

وتابع:«كل الحكايه انه معرفش يجاوب على السؤال "الصناعه انهارت ازاي وانت عمود من عمدان الصناعه ؟ السؤال اللي مش هتلاقي له إجابه مهما توّهت الناس اللي كلهم قالولك أنك مجاوبتش بمنتهى الوعي .. وأنا الحقيقه كنت مُنتظر إجابتك علشان اقولك الصناعه فيها كام عمود غيرك وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك».

واختتم:«أني احترمتك أو على حد قولك ان تامر وهو بيكلمني "كان واقف كدهو " طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك».