ليلى علوي في الذكرى العاشرة لثورة 30 يونيو: الفنانين كان ليهم الخطوة الأولى في مواجهة طيور الظلام

أحيت الفنانة ليلى علوي الذكرى العاشرةلثورة 30 يونيو، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت ليلى علوي: زي النهارده قدر الشعب المصري يملك قراره ويحدد مصيره ووقفنا قيادة وشعب في وش كل اللي حاول يسرق منا كرامتنا وقلنا لا مصر أكبر من الجميع.

وأضافت: وكان للفنانين الخطوة الأولى في مواجهة طيور الظلام بوقفتهم واعتصامهم في وزارة الثقافة وكمان الأوبرا ضد كل محاولاتهم في طمس الهوية المصرية ومحو الثقافة اللي بتشكل وعي الشعوب وكان كل فنانين مصر ومثقفيها ايد واحده ضد قيادة الجهل والتخلف وخطينا في ١٠ سنين فوق كل الصعاب اللي واجهتنا وقدرنا نخلق مصر جديدة مليانه حرية وانجازات كبيرة وعظيمة في كل المجالات خلت كل العالم بيتعجب ليها وبقدرتنا على تحقيقها في الفترة الزمنية القليلة دي.

وواصلت: اللي بفضل قيادتنا العظيمة اللي وقفت في ضهر شعبها لما احتجناهم واستعادت معانا الحرية قدرنا نبهر العالم…ورجعت مصر أم الدنيا وكما قد الدنيا…كل سنة ومصر قيادة وشعب بكل خير ودائما قد الدنيا.