منة شلبي تكشف تفاصيل خلافها مع هند صبري: كان كل واحد شايف كتفوا أعلى من التاني

كشفت الفنانة منة شلبي تفاصيل خلافها مع الفنانة هند صبري، وذلك خلال بداية حياتهما الفنية.

وقالت «شلبي» خلال حوارها ببرنامج «سهرانين»، عبر قناة ON، اليوم الخميس، إن علاقتها بهند صبري في بداية حياتهما الفنية لم تكن جيدة، إذ لم تكونا صديقتين مقربتين، معقبة: «مكنش لينا في بعض أوي، مكنش فيه خناق، بس مكنش فيه حب».

وأضافت: «إحنا طلعنا مع بعض تقريبًا في نفس الوقت، هي كانت بتعمل (مواطن ومخبر وحرامي) و(مذكرات مراهقة)، وأنا كنت بعمل (الساحر) و(بحب السيما)».

وتابعت: «أدوارنا كانت جريئة في الأول، بالمقارنة بالأفلام المعروضة في الوقت ده، كنا متنافسين تمامًا ولسه صغيرين، فأي حد كان بينقل كلام بينا، كنا بنسخن».

وأكملت «شلبي»: «اشتغلنا مع بعض فيلم أحلى الأوقات، وكل واحدة فينا كانت كتفها عالى على التانية، بس كنا محترمين، وكان في وسطينا حكم أعظم الفنانة الجميلة حنان ترك ست البنات،وبعدين اتعرض عليا فيلم (بنات وسط البلد) والمخرج محمد خان قاللي إننا هنكون بطلتي الفيلم، قلت له مفيش مشكلة أنا محترفة».

وأشارت إلى أنها جلست مع هند صبري خلال التحضير لفيلم (بنات وسط البلد)، «واكتشفنا إنه لا يوجد خلاف بيننا، وإن الأمر عبارة عن كلام تنقله أطراف بينا»، متابعة: «قعدنا في بيت محمد خان واتصافينا، وبعدها بقينا شيء تاني خالص، بقينا زي أصحاب المدرسة».