أحمد سعد: بشكر كل الناس اللي هاجمتني .. ولو في حاجة شبك هخيطها على إيدي

وجه الفنانأحمد سعد رسالة لجمهوره بعد الانتقادات التى تعرض لها الفترة الماضية بسبب ملابسه الشفافة، وذلك على هامش حضورهحفل توزيع جوائز ميدل إيست ميوزك أورد MEMA في مدينة العلمين الجديدة.

وقال أحمد سعد: أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومرضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو فيه حاجة شبك هخيطها أنا على إيدي.

كما رد الفنانأحمد سعد على سخرية طليقته الفنانة سمية الخشاب حول إطلالته الشفافة الأخيرة، فقال: "سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.