بسمة وهبة تهاجم جويل مردينيان:متدخليش ربنا في العري .. ده هوس التريند

هاجمت الإعلامية بسمة وهبةاللبنانية جويل مردينيان بعد تصريحاتها المثيرة للجدل في حلقة الليلة من برنامجها "90 دقيقة" والذي يعرض على قناة "النهار".

وقالت بسمة وهبة :"السوشيال ميديا بقت أخطر من الشيطان وبقت هوس بيصيب الناس وأنا معاكم بس أنا عندي حدود، أنا ممكن يكون عندي هوس أبقى تريند لكن معملش حاجة شاذة معملش حاجة فيها عدم حياء معملش حاجة فيها فضيحة".

وتابعت: "زي مثلا اتنين مشاهير يعلنوا انفصالهم وهم يكونوا لسه متجوزين، زي مثلا فنانين يعلنوا اعتزالهم عن الفن عشان يطلعوا تريند وبعدين يرجعوا تاني".

ووجهت رسالة لجويل قائلة: "متدخليش ربنا في العري وتقولي أصل ربنا خلقنا عرايا بتعملي تريند، مالكيش دعوة بربنا وده بقى هوس التريند وسيبتي كل المشاكل وبتتكلمي إن ربنا مش هيحاسبنا على اللبس عشان خلقنا عرايا".