تامر عاشور يهاجم سارة الطباخ: منتجة الفنكوش .. ومن رحمة ربنا عليها إني ما كملتش في القضية

حل المطرب تامر عاشور ضيفا على برنامج "حبر سري" الذي تقدمه الإعلامية أسما إبراهيم بقناة "القاهرة والناس”.

وهاجم خلال الجزء الثاني من الحلقة المنتجة سارة الطباخ قائلا: "لا أرحب بالعمل مع سارة الطباخ وما قلتش أهلًا بالشغل معاها، كنا مضينا عقد على أساس خطة معينة هنمشي بيها لما جات لها فكرة تعمل ألبوم معايا وقعدنا وظبطنا الدنيا وجبنا محامي وطلعت الفكرة بتاعتي بالنسبة لها واهية يعني".

وتابع: "سارة الطباخ منتجة الفنكوش وفوق أي فنكوش ممكن أي حد يتخيله، وما يهمنيش تزعل مني، إيه سارة تزعل مني يعني؟ مش هتخرجني من القناة يعني؟ كان غيرها أشطر وأكبر منها بكتير أوي أشطر مش علشان أنا بورم لأ خالص ولكن أنا بحب شغلي".

وأضاف: "أنا اشتغلت مع سارة الطباخ ومضيت معاها عقد ومفيش حاجة من العقد اتنفذت فأنا بدأت أشوف شغلي وأول ما بدأت اشوف شغلي هي بدأت تقاضيني بإنها ماضية معايا وأنتجت لي واتدخلت النقابة وكلامي واضح هي ما التزمتش بالعقد ومن رحمة ربنا عليها إني ما كملتش في القضية".