تامر عاشور: شيرين صوتها جبار.. بس أنغام صوت مصر لأنها ملتزمة

حل المطرب تامر عاشور ضيفا على برنامج “حبر سري” مع الإعلامية أسما إبراهيم.

وكشف تامر عاشور عن رأيه في لقب “صوت مصر”، بعد الجدل الذي أثير خلال الأيام الماضية، قائلا : «عندنا في مصر أصوات كتير جدًا حلوة لكن إحنا بنفتقد شوية لإيه اللي حوالين الفن، إنت بتعمل إيه في حياتك غير إنك تطلع تغني؟».

وتابع : «أعتقد إن ده 70 في المئة من حياة الفنان، بتحترم مواعيدك، كلامك، جمهورك، طريقتك، مش كل حاجة تعرض على الجمهور، وشيرين أكتر صوت جبار في الوطن العربي لكن أنغام ملتزمة أوي».

وأضاف: «الالتزام أهم، محدش حيحبك وإنت مش ملتزم، لو لي مشاكل مع طوب الأرض محدش هيسمعني، وشيرين أما بتقدم حفلة بتكسر الدنيا هي وكل الفنانين، وأنا شغال معاها في الألبوم اللي جاي ومقدم لها لحن في الألبوم اللي جاي.. وهي من منطقتي، من تفوز بلقب صوت مصر؟.. أعتقد أنها أنغام لأنها ملتزمة».