الرئيس السيسي: حرصنا على وجود رصيد من السلع الاستراتيجية لمدة لا تقل عن 6 أشهر

حرص الرئيس السيسي على طمأنة المواطنين، وذلك خلال نقاش مع الأهالي بقرية الأبعادية في محافظة البحيرة.

وقال الرئيس السيسي :”حرصنا على وجود رصيد من السلع الاستراتيجية لمدة لا تقل عن 6 أشهر”.

وأضاف الرئيس السيسي : "سعيد إن أنا أشوفكم النهارده وأفطر معاكم.. اللي أنا شفته النهارده في القرية يعني يخلينا نُصِر ونستمر بفضل الله سبحانه وتعالى في اللي إحنا بنعمله ده لغاية ما نخلص كل قرى الريف المصري مش بس المرحلة الأولى".

وتابعالرئيس السيسي: "شوفوا الكلام ده بقولوا ديما وقلته من بدري أوي.. قلت إن إحنا ماحدش يقدر يعمل حاجة لوحده.. لا حكومة ولا رئيس ولا مؤسسات لكن نقدر مع بعض.. وأنا قلت الكلام ده.. قلت إن إحنا التحديات الموجودة جوه مصر كتير وزي ما شفتوا لما بدأنا في حياة كريمة الرقم كان في البداية 200 و250 مليار.. والموضوع دلوقتي وصل لـ350 مليار دلوقتي للمرحلة الأولى وقلنا المرحلتين التانيين هيكملوا أكتر من تريليون جنيه يعني ألف مليار".