جوري بكر: الشحاتة وصلت انستجرام.. وواحدة طلبت مني ثلاجة أنا مشتريتهاش

عبرت الفنانة جوري بكر عن غضبها من بعض الرسائل، التي تتلاقها من الجمهور عبر صفحتها الرسمية على موقع التواصل الاجتماعي «انستجرام».

جوري بكر

وكتبت الفنانة جوري بكر، في «استوري» عبر صفحتها الرسمية على موقع التواصل الاجتماعي «انستجرام» قالت فيها: «أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين».

وتابعت: «مش كل الناس نضيفة وتعليقاتهم محترمة في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني».

وأضافت جوري: «غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام».

واستكملت: «الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون بـ 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني».