هاني شنودة: لازم نعمل قوانين للذكاء الاصطناعي لأنه بيشوه ماضينا

هاجم الموسيقار الكبيرهاني شنودة،تقنية الذكاء الاصطناعي، وذلك خلال مداخلة هاتفية ببرنامج «حضرة المواطن»، مع الإعلامي سيد على.

وقال هاني شنودة: «يجب أن جميعة المؤلفين والملحنين والنقابة ومجلس النواب يقعدوا مع بعض يشوفوا نعمل قوانين للذكاء الاصطناعي ده، لأنه هيمس الماضي مش الحاضر بس مع الأسف».

وتابع: «لو حد جاب حد من النجوم وحزمه ورقصه مسؤولية مين؟، حفيدي هيشوف الحاجات دي ويقول أهو ده اللي كنتوا بتقولوا عليه، قاعد يرقص بلدي».

كما شبه الموسيقارهاني شنودةالذكاء الاصطناعي «التوك توك» قائلا: «لو نتذكر أول توك توك دخل مصر، لو كنا وضعنا له شروطا لقيادته مكناش وقعنا فيما نحن فيه الآن وأصبح لدينا مشكلة، الذكاء الاصطناعي ده ممكن يشوه الماضي، ممكن تعمل عبدالناصر بيغني، مينفعش، فلازم يتحط حدود وقوانين للحاجات دي».

واختتم : «فيه رموز لا تمس نهائيا مثل عبدالحليم حافظ، وكوكب الشرق أم كلثوم، وعبدالوهاب، وفريد، دول مؤسسة كاملة، دول يتسابو دول الماضي بتاعنا والجذور اللي نمينا عليها، لا يمسوا لا بالغناء ولا بالرقص».