حورية فرغلي تتهم العراقي نزار الفارس بتصويرها بكاميرا خفية

ردت الفنانة حورية فرغلي، على تصريحات الإعلامي العراقي نزار الفارس، عقب الجدل الذي أثاره بعد اعلانه عن خطبتهما وتفاصيل ماحدث بينهما، من خلال الإعلامية ريهام سعيد.

وأضافت حورية فرغلي في تصريحات لـ et بالعربي: أنا مش مرتبطه ولسه مجاليش حظي، هغلط فيه وانا معنديش استعداد حد يمسك عليا حاجه، اقدر اقول هو مأشهرش بيا.

وأضافت:هو قال خطبتها ودي حاجه وده محصلش، ودي مش شتيمة هو حلو انه يقعد يحلم انه خاطب حورية فرغلي، ولما اتصورت مكنتش واخده بالي الكاميرا كانت مستخبية، حتي قالي انتي طويلة اوي وانا قولتله انت قصير اوي، ومزار كان مضايق اننا نقف جنب بعض عشان فرق الطول بينا.

تابعت: قالي سمعتي ماجد المهندس قبل كده، وشغلي أغنية لماجد، وتحبي تسمعى احدث اغنية ليه قولتله لا شغلها وقال تعالي نرقص، وافقت عشان محبتش أكسفه، وبقوله انت انتهيت قبل ما تبتدي.

واختتمت حورية فرغلي حديثها قائلة: محصلش أي حاجه من دي هو كداب، وانا شايفه الكلام في الموضوع ده ملوش لازمه، لان هو انسان تافه وبنصح أي فنانة متعملش انتر فيو معاه.