حسام مجدي معد برنامج نزار الفارس لـ«بصراحة»: حورية مقلتش الموضوع بالكامل للأعلام ونزار كان واخد الموضوع بجد

تحدث حسام مجدي معد برنامج نزار الفارس عن تفاصيل ما بعد تصوير الحلقة مع الفنانة حورية فرغلي، مشيرًا أنه لم يعلم حالة الجدل بما حدث بعد أنتهاء التصوير.

وقال حسام مجدي لـ«بصراحة»: أحنا بعد ما مشينا وخلصنا لقيت نزار بيتصل بيا وقبلها حورية بس انا مشفتوش الموبيل لان كنت مع أسرتي، أتصلت بالفنانة مردتش عليا بعدها أتصلت بنزار وطلب مني أروح له الفندق المقيم فيه.

حسام مجدي معد برنامج نزار: لما كلمته قالي معرفش مين نشر الخبر

وأضاف مجدي: لما روحت لنزار قالي أنا معرفش مين سرب الخبر وأزاي وصل بالصور دي، وانا بتكلم معاه قالي أنا فعلا طلبت أخطبها وكنت بتكلم جد مش بهزر ومعرفش أنها كانت واخدها الموضوع بهزار.

وتابع معد البرنامج خلال حديثه مع نزار الفارس: الخطوبة اللي كنت بتقول عليها كانت هزار، ليرد نزار: لا أنا كنت بكلم جد بس لو حورية رفضاني ومش عايزاني يبقي خلاص، ليرد عليه المعد جد ازاي فهمني ليجواب عليه الاعلامي العراقي: وأحنا في نص الكلام وانت واقف معانا كنت بقولها خلاص نشوف موضوع الخطوبة مع بعض بس ننزل نتعشى ونتكلم وهي ضحكت وقالت موافقة.

وأختتم حسام مجدي معد البرنامج: هو الموضوع غريب وكان المفروض أن حورية تحكي الموضوع كلوا مكنتش تقول أجزاء منه وكان لازم يكون نزار يتكلم بس هو قفل تليفونه من كثر المكالمات اللي كانت بتيجيلوا من مصر والعراق.