بعد وفاة طائره.. رامز أمير لـ«بصراحة»: انقذتها من أسبوعين وحاولت أعالجها لكن رحلت

كشف الفنان رامز أمير تفاصيل وفاة نسره رحمة، مشيرًا إلى أن ذلك الطير غير رهبة الذي كان يظهر به في فيديوهات عبر حساباتهالشخصية بمواقع التواصل الاجتماعي.

وقال رامز أمير في تصريح خاص لـ”بصراحة”: اللي ماتت اسمها رحمة غير رهبة اللي عنديدي طير لقيتها من أسبوعين انقذتها وحاولت أعملها عملية لكن منفعتش.

وواصل: اتأثرت بوفاتها جدًا وقبل وفاتها بأيام اتواصلت مع أحمد مكي عشان يدلني على دكتور يعالجها رغم أن فرحي بعد أيام لكن بعد ما عملتلها العملية ماتت.

وفاة نسر الفنان رامز أمير

وكان قد نشر رامز أمير فيديو له عبر حسابه الشخصي يوثق فيه لحظة وفاة طائره، وقال خلال الفيديو:عملتله عملية وقولت يارب العملية تعدي على خير أصعب يومين عشتهم في حياتي، أول ما ركبت شغلت لوكيشن المكان اللي هعمل فيه العملية، وبدأت أول خطوات العملية بالبنج، وحاولات أثبت الكسر ووحدة واحدة رهبة ابتدت تتخض والدكتور بدأ يجهزها لأوضة العمليات، ومن اللحظة الأولى اللي دخلت فيها العمليات وعرفت أن في خطورة لكن اللي ربنا عايزة هيكون.

وواصل: في اللحظة اللي كنت فرحان فيها حصل اللي كنت خايف منه، نفسها وقف وإحنا في بداية العملية، وابتدى الدكتور يعملها تنفس صناعي لكن رجعت تتنفس تاني.

وتابع: للمرة التانية في الرجل التانية رهبة بطلت تتنفس والحمد لله التنفس رجع تاني وجه وقت المرحلة الاصعب أنها تفوق من التخدير بعد 3 ساعات، حاولت كتير معاها عشان تفوق لكن استجابتها كانت ضعيفة.

وأختتم: قعدت اتكلم أنا والدكتور عشان الموضوع طول جدًا وبعد كده حصل اللي كنت مستنيه وفاقت وفي اللحظة دي استحالة اعرف اوصفها لـ أي انسان روحت البيت وأنا حاسس أني عملت أهم انجاز في حياتي وروحت عملتلها أكل اللي بتحبه، وروحت للدكتور ادلها علاجها ووأنا مروح لقيتها ماتت بعد ما استحملت كتير أوي.