أبوس إيدك قومي معايا.. انهيار الفنان رامز أمير من البكاء بعد وفاة نسره رحمة

أعرب الفنان رامز أمير عن حزنه الشديد بسبب وفاة نسره رحمة، مشيرًا إلى أنه حاول إجراء عملية جراحية له لكن لم يستطيع أن يبقى على قيد الحياة.

وقال رامز أمير عبر حسابه الشخصي بموقع التواصل الاجتماعي فيسبوك: عملتله عملية وقولت يارب العملية تعدي على خير أصعب يومين عشتهم في حياتي، أول ما ركبت شغلت لوكيشن المكان اللي هعمل فيه العملية، وبدأت أول خطوات العملية بالبنج، وحاولات أثبت الكسر ووحدة واحدة رهبة ابتدت تتخض والدكتور بدأ يجهزها لأوضة العمليات، ومن اللحظة الأولى اللي دخلت فيها العمليات وعرفت أن في خطورة لكن اللي ربنا عايزة هيكون.

وواصل: في اللحظة اللي كنت فرحان فيها حصل اللي كنت خايف منه، نفسها وقف وإحنا في بداية العملية، وابتدى الدكتور يعملها تنفس صناعي لكن رجعت تتنفس تاني.

وتابع: للمرة التانية في الرجل التانية رهبة بطلت تتنفس والحمد لله التنفس رجع تاني وجه وقت المرحلة الاصعب أنها تفوق من التخدير بعد 3 ساعات، حاولت كتير معاها عشان تفوق لكن استجابتها كانت ضعيفة.

وأختتم: قعدت اتكلم أنا والدكتور عشان الموضوع طول جدًا وبعد كده حصل اللي كنت مستنيه وفاقت وفي اللحظة دي استحالة اعرف اوصفها لـ أي انسان روحت البيت وأنا حاسس أني عملت أهم انجاز في حياتي وروحت عملتلها أكل اللي بتحبه، وروحت للدكتور ادلها علاجها ووأنا مروح لقيتها ماتت بعد ما استحملت كتير أوي.