عمرو مصطفى يهدد بالاعتزال بسبب محسن جابر: هبطل تنازلات مجحفة

هدد المطرب والملحن عمرو مصطفى، بالاعتزال علي خلفية أزمته مع المنتج محسن جابر بسبب تقديمه أغنية أم كلثوم بتقنية الذكاء الاصطناعي.

وقال الفنان عمرو مصطفى خلال مداخلة هاتفية ببرنامج “حضرة المواطن” الذي يقدمه الإعلامي سيد علي :"أنا عملت أغاني لكبار نجوم الوطن العربي وللأسف اتسرقت وبتتغني دلوقتي مهرجانات وأنا عايش دون حصولي علي حقوق الملكية الفكرية".

عمرو مصطفى: أبن محسن بينتج لشاكوش وبيسرق الحاني

وأضاف: "ابن محسن جابر هو اللى بينتج لحسن شاكوش وسرق لحن ليا عملته لعمرو دياب، ووالده محسن جابر بيتحكم فيا ومش عايزيني أعمل موسيقى عدلة".

وأضاف:"محسن جابر مش عايزني أعمل موسيقى ترتقى ببلدي ولا عايزني أرتقى بالذوق العام، أنا اتكرمت من الدولة، أنا ملحن أغنية طوبة فوق طوبة وبشرة خير، هو عايز يغلط في العمالقة والجمهور".

وأكد:"لو وصلت إني هاعتزل وأبطل التنازلات المجحفة اللى دمرت الموسيقى المصرية هاعتزل، هو عايزني أخرج برة المضمون ونتفرع علشان يبعدني عن قضيتي الأساسية في الارتقاء بالذوق الموسيقي للشعب، وللأسف أنا معنديش محامين يدافعوا عن حقوقي ياريت ألاقي محامي يقف معايا".