سهير شلبي: حياتي الزوجية في مشاكل بس كلمته كانت هي اللي بتمشي

كشفت الإعلامية سهير شلبي تفاصيل عن حياتها الزوجية وعلاقتها بزوجها الإعلامي الراحل أحمد سمير.

وقالت سهير شلبي خلال استضافتها مع الإعلامية مفيدة شيحة والإعلامية سهير جودةأنها كانت تهتم بكل تفاصيل زوجها، متابعة: «مش ممكن حاجة تغطي على اهتمامي بزوجي ولبسه وكل شيء، كنت ساعات بقعد على الأرض أقص له ضوافر رجليه، بستمتع بده، كنت بحبه وهو كمان كان بيحبني».

وأضافت أن حياتها مع زوجها الراحل كانت كأي حياة زوجية أحيانًا يكون هناك خلافات، مشيرة إلى أنهما في حال الاختلاف كانت الكلمة الأخيرة تعود إليه.

وأوضحت شلبي: الرجل لازم يحترم، الراجل راجل والست ست، أنا بحقق ذاتي وليا رأيي، ولكن الرجل هو الرجل في النهاية.

سهير شلبي: بضايق من البرامج التي تسئ لنجومنا

واضافت سهير شلبي في تصريحات تليفزيونية لبرنامج " المنسي" عبر قناة" هي" قائلة: "بضايق من البرامج اللي بتسيء لنجومنا، أنا طول حياتي فنانين مصر دول ثروتنا بالنسبالي هو في زي فاتن حمامة، عبد الحليم حافظ، حتى نجومنا الشباب الموجودين دلوقت دول ثروة".

وتابعت:' بزعل أو ي لما الاقي برنامج جايب فنان وبيتكلم عن تاريخه وبيقطع فيه وبيتكلم بشكل مش حلو، ليه كده؟، ده حتى لو فيه عيب لازم تدارى ".