أحمد خالد صالح يوجه رسالة لـ أحمد فهيم: ربنا يثبته ويزيده ويكتبله الخير

أعرب الفنان أحمد خالد صالح عن سعادته بالنجاح الذي حققه الفنان أحمد فهيم، من خلال مشاركته في مسلسل جعفر العمدة، وذلك بعد كشف صلة القرابة التي تجمعه بالفنان خالد صالح.

وقال أحمد خالد صالح، خلال لقائه مع برنامج ET بالعربي: حبيبي مبسوطله جدًا وبدعيله كتير ربنا يثبته ويزيده ويكتبله اللي فيه الخير، وإن اللي جاي إن شاء الله يبقى أحلى، لأن مفيش سقف ودي حاجة أنا واثق إن فهيم بيفكر فيها.

وتابع: وإن دايما النقطة اللي بنوصلها بتبقى نقطة بداية لـ اللي بعده عشان كده دايما اللي جاي هو اللي أهم، ونفسي آخده وننزل نتمشي في الشارع، وواثق إننا مش هنعرف نمشي جنبه بعد كده خلاص.

أبطال مسلسل جعفر العمدة

ودارت أحداث مسلسل جعفر العمدة في إطار اجتماعي شعبي حول قصة رجل أعمال في حي السيدة زينب يحاول العثور على ابنه الضائع من أكثر من ١٩ عامًا ويدخل في عدد من الصراعات والمفارقات.

والمسلسل من بطولة كلًا من: محمد رمضان، مي كساب، إيمان العاصي، منة فضالي، هالة صدقي، منذر ريحانة، طارق النهري، مديحة بكر، دعاء حكم، جوري بكر، أحمد فهيم، زينة، مجدي بدر، عصام السقا، وغيرهم، وهو من تأليف وإخراج محمد سامي.