رضا عبدالعال:« الأهلي يورينا نفسه قدام صن داونز.. وسيراميكا أقوى من الترجي»

علق رضا عبد العال لاعب الأهلي السابق، على فوز الأحمر أمام الترجي، في ذهاب نصف نهائي بطولة دوري أبطال إفريقيا.

وقال رضا عبد العال في تصريحات تليفزيونيه ببرنامج *اللعيب” عبر قناة “mbc مصر”:” هو الأهلي كان بيلاعب حد النهارده؟ ده سيراميكا أقوى من الترجي، البعبع ميشلش 5، وإستنوا بعد ماتش صن داونز ولو فاز الأهلي ورد إعتباره هطلع أقول الأهلي بعبع إفريقيا”.

وأضاف:” ورينا هتعمل إيه مع صن داونز، إكسب لو واحد صفر، انتم شاركتوا بافريقيا وانت واخد مركز3 بالدوري، ولو رابع كنت هتدخل، ده الأهلي بجبروته، ووصلتوا بالعنايه الألهيه وأطهر الطاهر، هي ماشيه ومرسومه لحد دلوقتي”.

وشدد عبد العال: “إزاي الأنديه هتحتذي بالأهلي وهو مفيش عداله في مصر، انت قاضي على كل الفرق ومفيش غير الأهلي ومش هنلاقي منتخب مصر”.

وأختتم:” الأهلي كان بيلعب برجل واحده هي دي فرقه؟، احنا معندناش كره في مصر لازم الأهلي يأخد كل البطولات، لو كل الأنديه بتتعامل زي الأهلي كورتنا هتبقى في حته تانيه”.