أسامة منير: الراجل الشرقي رجولته بتمنعه أنه يقول بحبك

حرص الإعلامي أسامة منير، على توجيه نصيحة للرجال من خلال حسابه الرسمي على موقع تبادل الصور والفيديوهات “إنستجرام”.

وأكدأسامة منير خلال الفيديوإن الحب أفعال وليس أقوال، وليس عيبا أن يقول الرجل لزوجته كلمة “وحشتيني” أو “ربنا يخليكي ليا”، فلا يجب أن يشعر بالإحراج تجاهها.

وأضاف: “إحنا عندنا في حتة الأقوال دي أزمة شوية كبريائنا بيمنعنا، الراجل الشرقي رجولته تمنعه أنه يقول بحبك، يقولك إيه الكلام الفاضي ده، أنا مش بتاع المسخرة دي ويتخن صوته، لا يا عم ربنا خلقنا كده مش عيب لما تميل عليها كده وتقولها وحشتيني، الكلمة بتلطف مش بقولك تقولها شعر”.

وتابع: “مينفعش نقول إن الحب أقوال لا الحب أفعال، اللي بيعرف يقول كلمتين حلوين يقولهم، واللي مبيعرفش ميقولش، لكن المطلوب منه يقول للطرف التاني أنا بحبك لكن مبعرفش أقول الكلام المذوق سامحني”.

وأشار: “الطبطبة على الكتف فعل وحب على فكرة من أقوى كلمات الحب ربنا يخليكي ليا، وربنا يحفظك، ووحشتيني، مش عيب أبدا إنك تقول لمراتك وحشتيني، متتكسفش ومش عيب إنك تقولي لجوزك وحشتني متتكسفيش منه”