داعية: مناداة الأم والأب باسمهما من عقوق الوالدين.. تعرف على الأسباب

قالت الدكتورة نيفين مختار، الداعية الإسلامية، إن الله سبحانه أبلغنا في كتابه العزيز إنه قرن العبادة له بالإحسان للوالدين «وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا».

وأوضحت خلال حلقة برنامج «البيت»، المذاع على فضائية «الناس»، اليوم الإثنين: «شوف ربنا عطف الإحسان للوالدين، بعبادته وحده، وربنا ذكر حالة الكبر بالذات لأنهم في حالة الاحتياج لأبنائهم، وحذر من قول كلمة أف، أو قول الأم والأب بأسمه، وتقول ده أنا كبرت على إنى أقولك يا بابا أو يا ماما.. وتلاقى اللى يقول يوه يا بابا، واللى يقول ما تطلب طلباتك كلها مرة واحدة، أو بعدين لما أخلص اللى في إيدى، كل دى عقوق والدين، ومنتشر جدا في المجتمع، وكل ده بسبب سوء تربية وأصدقاء السوء، وتقليد تصرفاتهم من والديهم».

وتابعت: «مهما كنت رفيعا ومسئولا لازم تخفض جناح الذل لأمك وأبوك، تقولها تحت أمرك تحت رجلك، شوف كانوا بيعملوا إيه معاك وأنت صغير، وصلنا للزمن الآباء بيخافوا يقولوا حاجة للأبناء لأحسن يزعلوا أو يزعقوا فيهم، أو يقاطعوهم بالشهور والسنين».