شيرين عبد الوهاب عن حفلتها في دبي: السمكة رجعت للبحر وعايزة المسرح مليان

وصلت النجمة شيرين عبد الوهاب قبل ساعات إلى دبي، حيث من المقرر أن تحيي حفلا غنائيا يوم الجمعة 28 إبريل الجاري.

أكدت شيرين على سعادتها بالعودة لجمهورها، وذلك بعد حفلها السابق في الكويت، وقالت:" مبسوطة إني رجعت لحياتي، السمكة رجعت للبحر، وانتظروا كل جديد، وفي مفاجأة كبيرة بعد أيام في دولة كبيرة، الناس وحشتني أكثر ما أنا وحشتهم".

وقالت شيرين، خلال لقائها مع الإعلامي ربيع هنيدي، ببرنامج"et بالعربي” :" أنا لو كنت تأخرت على جمهوري فهي كانت ظروف نفسية أكبر مني، وكان الاختفاء جزء من نقاهة محتاجة لها من سنين، أنا بشتغل من وأنا سني 13 سنة، و25 سنة مشهورة، وده كان كبير عليا، كانت سنين حلوة كلها نجاحات وتنوع في البلاد اللي غنيت فيها، وكنت محتاجة أجازه بجانب ظروفي النفسية، لكن الحمد لله كجزء كبير تعافيت، وأكيد في لسه شوية حاجات نفسية تعباني".

ووجهت شيرين الشكر لجمهورها،:"الحب والدعم والاهتمام اللي شوفته من الجمهور كان فوق الوصف، والفنانين كانوا زي الجمهور خايفين على شيرين وعايزينها ترجع لنشاطها، وده حب ربنا أكرمني بيه، وأنا تحت أمر الجمهور اللي شارك في مسيرتي وعمل شيرين عبد الوهاب، مستنياكم في الحفلة يوم 28، وعايزة الحفلة مليانة، علشان نفسي أشوفكم، وأكيد بناتي هيكونوا معايا على المسرح".

وتابعت شيرين:"كنت حريصة أعمل مقابلة علشان الناس تعرف إني وصلت دبي، علشان في بعض المشككين على السوشيال ميديا، وفي حاجات إدارية بتخلص وبعدها السوشيال ميديا الخاصة بي هترجع".